இலங்கையின் இளம் இசைக்கலைஞர் கந்தப்பு ஜெயந்தன்
தினக்குரலின் சகோதர வெளியிடான உதயசூரியனுக்கு அளித்த பேட்டி
நேர்காணல்:எஸ்.ரோஷன்
இப்போதெல்லாம் மனதைக் கவரும் சில பாடல்களைக் கேட்டு விட்டு அது எந்தப்படத்தில் எந்தத் தென்னிந்தியப் பாடகரால் பாடப்பட்டது என்று தேடிப்பார்த்தால் ஆச்சரியமாக இருக்கும்.
அவை நம்நாட்டுப் பாடல்கள்! நம் மண்ணின் இசையமைப்பாளர்கள், பாடகர்களின் புதிய படைப்புகள்!
நேர்த்தியான இசைக்கோவை, வளமான குரல்வளம், இசைக்கோர்ப்பில் புதிய தொழில் நுட்பங்கள் என எம்மவர்களும் அசத்த ஆரம்பித்திருக்கிறார்கள்.
இன்று ஏராளமான புதியவர்கள் இலங்கையின் இசைத்துறையில் பிரவேசித்திருக்கின்றார்கள். இவர்களில் பலரை வெளியுலகிற்கு அறிமுகம் செய்த பெருமை ஊடகங்களையே சாரும்!
அவ்வாறு ஊடகங்களால் வெளிக்காட்டப்பட்டு பல புதிய இசைப்படைப்புகளுக்குச் சொந்தக்காரர்தான் கந்தப்பு ஜெயந்தன்.
கந்தப்பு ஜெயரூபன், கந்தப்பு ஜெயந்தன் ஆகிய இரு பெயர்களும் இலங்கையின் இசை ரசிகர்களுக்கு மிக நெருக்கமானவை! கந்தப்பு ஜெயந்தன் இந்த வாரம் உங்கள் பேஸ்புக் பகுதியில்:
பிறந்தது யாழ்ப்பாணம் கரவெட்டியில். தந்தை பொலிஸ் துறையில் பணியாற்றியவர். எனக்கு இரு சகோதரர்கள். தம்பி ஜெயரூபனுக்கு அறிமுகம் தேவையில்லை. இலங்கையின் சிறந்த பாடகர். சக்தி வானொலி நடாத்திய வானொலி சூப்பர் ஸ்டார் போட்டியில் வெற்றி பெற்றவர். சகோதரி ஜெயபிரதா அகில இலங்கை ரீதியில் நடைபெற்ற தேசிய இளைஞர் சேவைகள் மன்றத்தால் நடைபெற்ற சிறந்த இளம் பாடகிக்கான விருதை பெற்றுள்ளார். இப்பொழுது யாழ்.ராமநாதன் நுண்கலை கல்லூரியில் இசைத்துறையில் பயின்று வருகிறார்.
இசைத்துறை பிரவேசம்?
இசையில் ஆர்வம் ஏற்பட காரணம் எங்கள் தந்தையார். பொலிஸ் துறையில் இருந்தாலும் கலை ஆர்வம் மிக்கவர். அவரும் ஒரு பாடகர். பல மெல்லிசை பாடல்களை பாடியவர். அத்தோடு ஒரு நடிகரும் கூட. பல மேடை நாடகங்களில் பங்கேற்றுள்ளார். அத்தோடு எங்கள் தாயாரின் சகோதரர்களும் பிரபல்யமான கலைஞர்கள். அவர்களுள் ஒருவர் கீழ்கரவை கி.குலசேகரன். சிறந்த பாடகர், சிறந்த கவிஞர். கருணாகரன், தனலட்சுமி (சங்கீத ஆசிரியை) ஆகியோர் பிரபல பாடகர்கள். அத்தோடு எங்களது சித்தப்பா மதியழகன், முருகேஷ், வேலுப்பிள்ளை ஆகியோர் நாடகக் கலைஞர்கள். இப்படிப்பட்ட கலைக்குடும்பத்தில் பிறந்த எமக்கு கலையார்வம் இயற்கையாகவே வந்ததில் அதிசயமில்லை.
கிடைத்த முதல் அங்கீகாரம்?
சூரியன் எப்.எம். வானொலி ஆரம்பகாலத்தில் நடாத்திய பாடுவோர் பாடலாம் நிகழ்ச்சியே எனக்கு முதல் அடையாளம் எனலாம்.
சூரியன் அறிவிப்பாளராக இருந்த விமல் மூலமாக அறிமுகம் செயப்பட்டேன். முதன் முதலாக நான் உருவாக்கி வைத்திருந்த மனமே கோபமா என்ற ராஜேந்திரா அவர்கள் எழுதிய
பாடலை சூரியன் வானொலியில் அரங்கேற்றியவர் அறிவிப்பாளர் ஏ.ஆர்.வி.லோஷன் அண்ணா. அதன் பின்னர் சக்தி வானொலியின் அறிவிப்பாளர் அபர்ணா சுதன் அண்ணா நம்மஹிட் நிகழ்ச்சி மூலம் என்னுடைய பாடல்களுக்கு மற்றுமொரு முகவரி கொடுத்தார்.
அதன் பின்னர் சூரியன் வானொலிக்காக இசை அமைத்து பாடிய வானத்து சூரியனே வாடா பாடல் மிக பிரபலம் பெற்று இன்றும் சூரியனின் நிலையக் குறியிசையாக்கப்பட்டுள்ளது.
இதன் பின்னர் எனக்கு கிடைத்த மிகப்பெரும் அங்கிகாரம் என்றால் இலங்கை முழுவதும் சக்தி தொலைக்காட்சியால் நடாத்தப்பட்ட இசை இளவரசர் போட்டிதான். பல லட்சம் வாக்குகளால் இசை இளவரசராக முடிசூடப் பட்டோம்.
இலங்கை ஊடகங்கள், ரசிகர்கள் மத்தியில் உங்கள் பாடல்களுக்கு வரவேற்பு எப்படியிருக்கிறது?
ஆரம்ப காலங்களில் என்னை வளர்த்த எமது வானொலிகளை என்றைக்கும் மறக்கமுடியாது. தொடர்ந்தும் அவர்களது ஆதரவு வேண்டும். உண்மையில் இலங்கை ரசிகர்கள் மத்தியில் மிகுந்த வரவேற்பு கிடைக்கிறது. இப்பொழுது நாங்கள் இணையத்தளங்கள் ஊடாகவே பாடல்களை வெளியிடுகின்றோம். உலகமெங்கும் எமது பாடல்கள் வெற்றி நடை போடுகின்றன. பிரபல்யமான வானொலிகளில் எமது பாடல்களை பல ரசிகர்கள் விரும்பிக் கேட்டு வருகிறார்கள். அண்மையில் வெளியிட்ட காந்தள் பூக்கும் தீவிலே பாடல், யாழ்தேவி, கண்ணோடு கண்கள் பேசுதே, எங்கோ பிறந்தவளே, வவுனியா மண்ணே போன்ற பாடல்கள் பல்லாயிரக் கணக்கான ரசிகர்கள் விரும்பி ரசித்த பாடல்கள்.
உலகம் எங்கும் இருந்து பல நூற்றுக்கணக்கானவர்கள் தொலைபேசிகள் ஊடாக வாழ்த்துக்களை வழங்கி உட்சாகப் படுத்தி வருகிறார்கள். WWW.YOUTUBE.COM இணையத்தளத்தில் JEYANTHAN13 என்பதை டைப் செது என்னுடைய புதிய பாடல்களைப் பார்த்து ரசிக்கலாம்.
அல்பங்கள் வெளியிட்டுள்ளீர்களா?
திருவரங்கன் கீதங்கள்,
நறுமண மலர்கள்,
எங்களால் முடியும்,
மாற்றத்தின் ஆரம்பம் நாமே,
இதயத்தின் ஓசை,
அம்பாளின் அருள் பிரசாதம்,
நெடுங்கேணியின் தெவீக ராகங்கள்,
காந்தள் பூக்கும் தீவிலே,
இவற்றோடு யாழ்தேவி என்கிற இசைத் தொகுப்பையும் மிக விரைவில் வெளியிட உள்ளேன்.
தென்னிந்திய சினிமாவில் வாப்புத்தேடும் எண்ணம்!
என்னுடைய பாடல்களை ரசித்து என்னுடைய பாடல்களுக்கு கருத்துகளைக் கூறி என்னை ஆற்றுப்படுத்திவரும் இரு இயக்குனர்கள்! ஒருவர் இயக்குனர் விக்ரமன் மற்றவர் விஜயின் பகவதி திரைப்படத்தை இயக்கியவரும் அங்காடித்தெரு திரைப்படத்தின் வில்லன் நடிகர் வெங்கடேஷ் ஐயா! இவர்கள் என்னுடைய பாடல்களை பார்த்து எனக்கு தமது திரைப்படத்தில் வாப்புத் தருவதாக கூறியுள்ளார்கள். அது நிறைவேறும் போது அறியத்தருகிறேன்.
எதிர்கால இலக்கு அல்லது புதிய முயற்சி?
எமக்கு என்று ஒரு தனித்துவமான இசையை உருவாக்க வேண்டும். நமது மண்வாசம் கலந்த பாடல்களை உருவாக்க வேண்டும்.
புதிய முயற்சி என்றால் யாழ்தேவி என்கின்ற இசைத் தொகுப்பை வெளியிட உள்ளதுதான்.
என்னோடு இணைந்துகொள்ள விரும்பும் கலைஞர்கள் பின்வரும் வழிகளில் தொடர்பு கொள்ளலாம்.
facebook: music director k.jeyanthan
yahoo: kandappujeyanthanyahoo.com
gmail: jeyanthan4yahoo.com
t.p.0770886358
skype: kandappujeyanthan
நான்' படம் மூலம் நடிகராகவும் தயாரிப்பாளராகவும் தன்னை வெளிப்படுத்தும் இசையமைப்பாளர் விஜய்ஆன்டனி,படத்தின் இசையமைக்கும் பொறுப்பையும் ஏற்றிருக்கிறார். அதற்காக இந்தப் படத்தில் புதுமுக கவிஞர் ஒருவரை அறிமுகப்படுத்த விரும்பியவர் பாடல்களுக்கான மெட்டை தன் இணையதளத்தில் கொடுத்திருந்தார்.
