சில்லக் புகழ் சாருலதா மணி...

தினக்குரலின் சகோதர வெளியீடான வியாழன் தோறும் வெளிவரும் உதயசூரியனின் FACE BOOK பகுதியில் இந்திய பின்னணிப்பாடகர் சாருலதா மணியுடன் நேர்காணல்......

நேர்காணல்: ரோஷன்

சினிமா மற்றும் கர்நாடக இசை இரண்டிலும் பயணம் செய்யும் பாடகிகளில் இன்று அதிகம் கலக்கிக் கொண்டிருப்பவர்

சாருலதாமணி.

வேட்டைக்காரன், வேலாயுதம், நான் அவன் இல்லை, வெளுத்துக்கட்டு ஆகிய படங்களில் சாரு பாடிய பல பாடல்கள் ரசிகர்களுக்கு பெருவிருந்து படைத்தது.

சாருலதாவுக்கு ஒரு ஹாய் சொல்லி உதயசூரியனின் பேஸ்புக் பகுதியில் இணைத்தோம்.

ஹாய்... நான் பாடகி சாருலதாமணி. எனது சொந்த ஊர் சென்னை. அண்ணா பல்கலைக்கழகத்துல மெக்கானிக்கல் இஞ்சினியரிங் படித்தேன் அதுக்கப்புறம் படிப்பிலையும் இசையிலேயும் ரிசேர்ச் பண்ணிக்கிட்டு இருக்கேன்.

இசைத்துறை பிரவேசம்

நான் அடிப்படையிலேயே ஒரு கர்நாடக இசைப்பாடகி. நான் வளர்ந்ததே ஒரு இசைச் சூழலில்தான். தாயார் ஹேமலதா வீணை இசைக் கலைஞர். சோ இசை ஆர்வமும் அறிமுகமும் அம்மா மூலம் கிடைச்சிடுச்சி. அப்பா கப்பல்ல இஞ்சினியர். அவர் மூலம் உலகம் முழுவதும் பயணம் செய்து எல்லா இசையையும் கேட்க வாய்ப்பு கிடைச்சது. என்னுடைய 11 ஆவது வயதுல என்னுடைய முதல் மேடை இசைக்கச்சேரியை நடத்தினேன். அதைத் தொடர்ந்து நிறைய வாய்ப்புகள். வெளிநாடுகளுக்கும் போய் பாடியிருக்கின்றேன்.

ஜெயா டிவியில இசைப் பயணம்னு ஒரு நிகழ்ச்சி செய்தேன். ஒரு வாரத்திற்கு ஒரு கர்நாடக இசை ராகத்தை எடுத்துக் கொண்டு அது தமிழ்த் திரைப்படப் பாடல்களில் எப்படி பயன்படுத்தப்பட்டிருக்குன்னு விளக்குறதுதான் இந்த இசைப்பயணம் நிகழ்ச்சி.

இசைப்பயணம் நிகழ்ச்சியை வெளிநாடுகளில் இருப்பவர்கள், இசைத்துறையில் இருப்பவர்கள், ரசிகர்கள் எல்லோருமே தொலைக்காட்சி மற்றும் இணையத்தளம் மூலமாக பார்த்தார்கள். இதனால கொஞ்ச நாள்லயே நான் பிரபலமாகிட்டேன். ஜெயா டி.வி.க்கு தான் நான் நன்றி சொல்லணும்.

நான் நல்ல பிரபலமாகிட்டதால பின்னணிப் பாடகியாக வாய்ப்பு ஈஸியா கிடைச்சது. இசையமைப்பாளர் விஜய் அன்டனி தான் எனக்கு முதல் வாய்ப்பு கொடுத்தார். முதல் படம் நான் அவன் இல்லை. காக்க காக்க கன்னம் காக்க என்ற பாடலை பாடினேன். முதல் பாடலே பெரிய ஹிட். அதைத் தொடர்ந்து இளைய தளபதி நடித்த வேட்டைக்காரன் திரைப்படத்திற்கு பாடிய என் உச்சி மண்டையில சுர்ருங்குது பாடல் மிகப்பெரிய ஹிட். அந்தப்பாடல் பற்றி நான் உங்களுக்கு சொல்லவே தேவையில்லை.

அதுக்கப்புறமா விஜய்யோட வேலாயுதம் படத்தில நான் பாடின சில்லாக்ஸ் அதைவிட பெரிய ஹிட். எனது பாடல்கள் அனைத்துமே ஹிட் ஆகுறது இறைவன் அருள் என்று தான் நினைக்கிறேன். எத்தனையோ பாடகர், பாடகிகள் இருந்தாலும் நான் பாடுற பாடல்கள் அத்தனையும் வெற்றியடையுது. விஜய் அன்டனி என் மீது நம்பிக்கை வைத்து தொடர்ந்து ஹிட் ஆகக் கூடிய பாடல்களைத் தந்தார்.

இப்ப நிறைய பாடல்கள் பாடிக் கொண்டிருக்கிறேன். அதில் ஒன்று ஹரிஸ் ஜெயராஜ் இசையமைப்பில் மாற்றான் திரைப்படத்தில் பாடியிருக்கிறேன். விரைவில் அந்தப் பாடல் வெளிவர இருக்கிறது.

வேலாயுதம் சில்லாக்ஸ் பாட்டைப்பற்றி ?

பட்டையைக் கிளப்புற மாதிரி ஒரு பாட்டு பாடனும்ங்கிறது எனது நெடு நாள் கனவு. தொடர்ந்து விஜய் படங்கள் மூலம் அந்தக் கனவு நிறைவேறினதுல ரொம்ப சந்தோஷம். விஜய் அன்டனி சில்லாக்ஸ் பாட்டை பாட கூப்பிட்டப்போ அது விஜய் படத்திற்கு தான் என்று எனக்குத் தெரியாது. ரெக்கோர்டிங் முடிஞ்சு சில வாரங்களுக்குப் பிறகு தான் எனக்கு விஷயம் தெரியும். இன்னொரு ஸ்பெஷாலிட்டி இந்தப் பாட்டு நீளமான ஆலாபனையில் ஆரம்பிக்கும். ஆங்காங்கே அராபிக் பீட் போடனும். கர்நாடக இசையில் நல்ல பயிற்சி இருக்குறவங்களால தான் இதைப் பாட முடியும்.

என்னுடைய சகோதரி ஸ்ரீமதுமிதாவும் ஒரு பாடகிதான். நாங்க 2 பேரும் இசையமைத்து எழுதிய பாடல் தான் வைதிஸ் கொலை வெறி ஏஞ்சல். இந்தப் பாட்டை youtube ல 2 இலட்சம் பேர் பார்த்திருக்காங்க.

தொடரும்....! மிகுதி நேர்காணல் எதிர்வரும் 15 ஆம் திகதி எதிர்பாருங்கள்....